STILLING LEDIG:
NRK søkjer nyheitsjournalistar i Sogndal, Stord og Bergen
Vil du bli kollegaen vår?
Denne artikkelen er over to år gammel.
NRK Vestland styrker slagkrafta i Sunnhordland og Sogn. I tillegg skal me tilsetja i ei stilling i Bergen.
NRK Vestland har ledig ein fast jobb som nyheitsjournalist ved kontoret i Sogndal. Vi skal vere to faste medarbeidarar i Sogndal, og vi er på jakt etter ein journalist som kan setje dagsorden og løfte saker frå Sogn til eit regionalt og nasjonalt publikum.
Vi ynskjer oss ein person som er oppteken av å lage saker som engasjerer og som blir valt av flest mogleg, spesielt eit ungt publikum.
Les meir og søk stillinga i Sogndal her
NRK Vestland skal tilsetja i ei fast stilling i Bergen.
Me søkjer ein uredd journalist som brenn for å fortelja historier som vert lagt merke til hjå eit breitt publikum. Me ønsker særleg å verta flinkare til å nå ut til unge og fleirkulturelle. Målet er å laga viktige og nære saker som set dagsorden regionalt og nasjonalt.
Den vi ser etter er ein dyktig journalist som er god på digital historieforteljing til mobilen, har ambisjonar om å driva med undersøkjande journalistikk, og kan levere godt innhald til alle plattformene til NRK.
Å vera førebudd på å rykka raskt og å rapportere direkte frå felt er ein del av jobben.
Les meir og søk stillinga i Bergen her
NRK Vestland styrker slagkraften i Sunnhordland, og tilset ein journalist i ei nyoppretta fast stilling på lokalkontoret på Stord.
Me ønskjer oss ein kollega som brenn for å løfta saker frå Sunnhordland til et regionalt og nasjonalt publikum. Målet er å setja nasjonal dagsorden med utgangspunkt i alt det interessante som skjer i denne delen av Vestland.
Me ser etter ein allsidig journalist som er god på digital historieforteljing til mobilen, har ambisjonar om å driva med undersøkjende journalistikk, og kan levere godt innhald til alle plattformene til NRK.
Du må vera førebudd på å rykka raskt og rapportere direkte frå felt.