STILLING LEDIG:

Lokalavisa Vesta­vind søkjer redaktør

Me søkjer ein framoverlent redaktør som brenn for lokalsamfunnet!

Informasjon om stillingen:

Stillingstype: Fast

Arbeidssted: Sveio

Søknadsfrist: 28. september

Om arbeidsgiver

Om arbeidsgiver

Lokalavisa Vestavind vart stifta i 1986, og kjem ut i papirformat kvar torsdag samt med daglege oppdateringar på nett. Avisa er limet mellom bygdene i Sveio, og skal bidra til å redusera handelslekkasje, samt støtte lokalt næringsliv. Vestavind har vel 1300 abonnentar. Verksemda har tre tilsette på heiltid med redaktør, journalist og dagleg leiar/marknadsansvarleg, og har kontor i Sveio sentrum.

Om stillinga:

Vår redaktør gjennom 10 år har fått seg ny jobb, og me søkjer nå hennar etterfølgjar. Me søkjer ein framoverlent redaktør som brenn for lokalsamfunnet, og som evnar å finne dei raske nyhenda, men også grava og gå i djupna. Som redaktør får du ansvaret for å vidareutvikla den journalistiske og digitale utviklinga i avisa. Vestavind skal være best på Sveio.

Me treng deg som vil ta hovudansvaret for produksjon av papiravis, samt styrka Vestavind på nett. Redaktørstillinga krev stor arbeidskapasitet, journalistisk erfaring og evne til å byggja relasjonar. Du vil ha ansvaret for redaksjonen som består av redaktør og journalist. Dagleg leiar og engasjerte styremedlemmar er klare til å samarbeida med deg i vidareutviklinga av Vestavind.

Løn og pensjonsordning etter avtale.

Om Sveio:

Sveio er ein flott kystkommune, som ligg strategisk til midt i ein sterk region, med felles bu- og arbeidsmarknad med Sunnhordland og Haugalandet. Kommunen har om lag 5800 innbyggjarar som bur spreidd over heile kommunen, som dekker eit areal på 246 kvadratkilometer. Om sommaren nær doblar innbyggartalet seg ved at kommunen er vert for mange hyttegjester. Sveio ligg «midt i leio» mellom storbyane Bergen og Stavanger.

Kontaktinformasjon:

Søknad med CV sendes: Vestavind AS ved [email protected] innan 28. september 2021.

Powered by Labrador CMS