STILLING LEDIG:

Firdaposten søkjer sommervikarar ☀️

Vil du jobbe i Firdaposten i sommar?

Publisert 06.12.2024 - 00:00 Sist oppdatert 06.12.2024 - 13:58

Informasjon om stillinga:

Stillingstype: Sommervikariat

Arbeidssted: Florø

Tiltredelse: 15. juni 2025

Søknadsfrist: 17. januar 2025

Om arbeidsgivar:

Firdaposten er den største avisa i kystbyen Florø, og dekkjer kommunane Kinn og Bremanger. Avisa satsar tungt på digitale flater, men vi gir også ut papiravis ein gong i veka. Redaksjonen vår tel sju journalistar og avisa er ein del av Amedia-konsernet. Amedia er landets største utgivar av redaktørstyrte medium og leiande på lokal avisutvikling. Dagleg når konsernet over to millionar lesarar gjennom sine 110 medium. Konsernet har 2.100 tilsette og omsette for 4,1 milliardar kroner i 2023.Amedia er sertifisert av Great Place to Work. Sertifiseringa bekreftar og er eit bevis på at medarbeidarane våre opplever organisasjonen som ein god stad å jobbe. Les meir om korleis det er å jobba i Amedia på karrieresidene våre på Amedia.no, og følg oss på LinkedIn.

Har du lyst å prøve deg som journalist komande sommar?

I Firdaposten er vi på jakt etter ein eller fleire til redaksjonen vår gjennom sommarvekene, frå midten av juni og til midten av august, 2025.

Vi kan tilby deg to hektiske, men lærerike månader i eit lokalmiljø heilt vest i Norge som aldri står stille, og der det alltid skjer noko. Etter to månader hos oss vil du ha fått prøve deg som nyheitsjeger og sportsjournalist, du har skrive reportasjar, laga bildeseriar frå festivalar, kanskje skrive kommentarar - og du vil heilt sikkert ha produsert videoar og delteke på streaming og direktesendingar.

Viss du synest dette høyrest spennande ut, så ta kontakt med oss!

Vi tilbyr eit supergodt arbeidsmiljø i nye og moderne lokale på kaikanten i Florø sentrum. Vi skal gi deg ei konkurransedyktig løn, ein god porsjon kvardagshumor og ein meiningsfull sommarjobb. Har du journalistutdanning eller held på med ein, så er det supert, men ikkje noko krav. Det vi derimot krev er at du er samfunnsengasjement, nysgjerrig, effektiv og kreativ. Resten ordnar vi i lag!