Landslaget for lokalaviser (LLA) er interesseorganisasjonen for over 110 lokalaviser landet rundt. Desse avisene styrkar mellom anna lokaldemokratiet og det lokale kulturlivet. Lokalavisene er også ein nyttig og truverdig mediekanal for det lokale handelslivet, organisasjonane, kommunane og for kjedebutikkane. Lokalavisene er lim og lupe i nærmiljøet.
Om SUJO:
Senter for undersøkende journalistikk SUJO har som mål å styrke den undersøkende journalistikken i Norge. Gjennom oppfølging av undersøkende prosjekter og verksteder i undersøkende metode utvikler vi denne viktige journalistikken, med spesielt ansvar for lokale, regionale og mindre medier.
Vil du vere med og
løfte dei minste lokalavisene i Noreg? Senter for undersøkande journalistikk
(SUJO) og Landslaget for lokalaviser (LLA) lyser ut ei spennande
prosjektstilling der du skal hjelpe lokalavisene med å ta i bruk kunstig
intelligens i journalistikken.
Bakgrunn
Mange journalistar
seier i dag: «Vi veit vi bør setja oss inn i KI, men vi veit ikkje heilt
korleis – eller kva vi skal bruke det til.»
Det er store variasjonar i kompetanse, og mange redaksjonar manglar både
systematisk opplæring og oversikt over kva verktøy som faktisk finst.
Samstundes krev bruk av KI i undersøkande journalistikk meir metodekunnskap,
meir tid og meir ressursar enn tradisjonelle journalistiske arbeidsmåtar.
Med rett kompetanse
kan KI gje stor gevinst i idéutvikling, research, informasjonsinnhenting,
dataanalyse og verifisering. Difor treng vi no ein person som kan hjelpe
lokalavisene med dette.
Om stillinga
Som KI-mentor vil
du:
hjelpe eit utval redaksjonar med å utvikle og gjennomføre eigne prosjekt
vere sparringpartnar frå idéfase til publisering
bidra til å utvikle innovative prosjekt som lokalavisene ikkje kunne gjort åleine
jobbe tett saman med Samarbeidsdesken og SUJO
vere med å utvikle datasett og KI-metodar i samarbeid med dataanalytikarar og journalistar
bidra i arbeid med Demokratibasen og delta i journalistiske prosjekt i Samarbeidsdesken
Kva vi ser etter
Vi ønskjer ein
person som:
har god forståing for KI og praktisk erfaring med KI-verktøy
forstår journalistiske arbeidsprosessar
kan lære bort, motivere og bygge kompetanse
er sjølvstendig, samarbeidsorientert og nysgjerrig
har evne til å utvikle prosjekt saman med redaksjonar med avgrensa ressursar
har lyst til å besøke og bli betre kjent med lokalavisredaksjonar
Vi tilbyr
eit spennande utviklingsprosjekt i kryssinga mellom journalistikk og teknologi
moglegheit til å påverke framtidas arbeidsmåtar i lokalavisene
fagleg sterkt miljø hos SUJO og i Samarbeidsdesken
kontorplass i Bergen
Søknadsfrist 10.12.2026.
Oppstart så snart som mogleg etter nyttår.
Prosjektet er
finansiert av Fritt Ord.
Har du spørsmål ta
kontakt med:
Kristine Holmelid, Senter for undersøkande journalistikk, tlf: 90950320
Tomas Bruvik, Landslaget for lokalaviser, tlf: 41108523
