Sunnhordland søker sommar­vikarar☀️

Informasjon om stillinga:

Stillingstype: Sommervikar

Arbeidsstad: Stord

Søknadsfrist: 31. januar

Om arbeidsgjevar:

Sunnhordland har halde til i Leirvik på Stord sidan 1902. I 2021 tok mediekonsernet Polaris Media over aksjemajoriteten i mediehuset. Redaksjonen er lokalisert i nyoppussa lokale i Borggata, midt i sentrum. Redaksjonen består av ti årsverk. I Sunnhordland blir du ein del av ein samansveisa, ambisiøs og digitalt skrudd gjeng. Jakta på nyhende er kontinuerleg, samstundes som ein har spelerom til å jobba med meir omfattande saker. 

Kontakt oss gjerne for å høyra om livet i redaksjonen. Du finn meir informasjon på www.sunnhordland.no/jobbaher

Som sommarvikar i Sunnhordland-redaksjonen får du bryna deg på litt av kvart. Me er tett på lokalsamfunnet i primærkommunane Stord og Fitjar, men held også eit stødig blikk på nabokommunar i den vakre regionen vår. Her kjem du inn i eit kreativt nyheitsmiljø der ingen dagar er like. 

Om du er glad i høgt tempo, har teft for nyheiter og jobbar sjølvstendig, er nokre sommarveker hos oss perfekt for deg – og oss. 

Du kjem inn i ein samansveisa gjeng der alle står på for å laga verdas beste lokalavis. Du går også inn i kvelds- og helgevakter.  

Me ser etter deg som har

• Erfaring frå mediebransjen, eller studentmedia.
• Er digitalt påskrudd. 
• Er stødig i språk, og særleg i nynorsk.
• Er trygg på presseetikken.
• Er lærevillig og elskar å jobba der pulsen slår.
• Har førarkort til bil. 

Sunnhordland-redaksjonen held til midt i Leirvik sentrum på Stord. 

Søknadsfrist 31. januar. Søknader blir behandla fortløpande. 

Kontaktinformasjon

Nærare opplysingar om jobben kan du få hos:

• Vidar Hope, ansvarleg redaktør, vidar@sunnhordland.no, 982 42 030

• Kjetil Østrem, klubbleiar, kjetil@sunnhordland.no, 982 42 022

Send søknad til vidar@sunnhordland.no