Hallingdølen er ei lokalavis for Hallingdal og Nore og Uvdal, med eit opplag på over 11.600. Me er ein del av Polaris-konsernet. Hallingdølen er ei ambisiøs avis som har markert seg sterkt i bransjen og blitt kåra til Årets lokalavis fleire gonger, seinast no i 2026. I tillegg har me to gonger blitt kåra til Europas beste lokalavis. Hovudkontoret ligg i Ål, med avdelingskontor i Nesbyen og i Gol. Det er 34 tilsette i heile mediebedrifta, av desse er 14 i redaksjonen.
Har du lyst til å jobbe i landets, Europas - og kanskje også verdas - beste lokalavis?
Då kan du vere rette person for oss! Me søker ein journalist i vikariat for eitt år, med oppstart så raskt som mogleg.
No treng me ein journalist som:
Har ein god nase for nyheiter
Jobbar raskt, sjølvstendig og presist
Er glad i høgt tempo og varierte dagar
Er nysgjerrig, initiativrik og framoverlent
Har godt humør og trivst i lag med folk
Til gjengjeld får du:
Ein kvardag der jobben du gjer faktisk betyr noko
Varierte dagar i eit levande lokalsamfunn
Eit publikum som bryr seg om journalistikken vår
Eit sterkt fagmiljø med høge ambisjonar
Ein arbeidsplass med mykje latter, stort engasjement og kort veg frå idé til publisering
Erfaring frå mediebransjen er eit stort pluss. Du må også ha førarkort.
Stillinga inngår i vaktturnus med kveld- og helgevakter. Du kjem til å jobbe med ein kombinasjon av både tekst, foto og video.
Me har stadig bruk for flinke folk. Dette vikariatet kan fort føre til eit samarbeid som kan vare i endå fleire år.
