STILLING LEDIG:
NRK søker journalist/produsent
NRK Nyheitsmorgon lagar 2,5 timar direkte nyheitsradio kvar vekedag, og no treng vi fleire med på laget.
Denne artikkelen er over to år gammel.
Vi søkjer ein produsent som vil jobbe saman med oss for å laga både lange og kortare nyheitssendingar på P1, NRK1, P2 og NRK Nyheiter.
Arbeidsoppgåver
Du blir med på planlegging, gjestebooking og løpande vurderingar av korleis sendinga skal vera. Som produsent jobbar du tett både med vaktsjef, programleiarar og reporterar. På sendevakter er det ditt ansvar å ha kontroll på alt som skal på lufta, både lyd, direkteinnslag og bilder.
Jobben inneber også å vera programleiar i Dagsnytt på dag og kveldstid. Turnusen har både morgon-, kvelds- og helgevakter, i tillegg til vanlege dagvakter.
Kvalifikasjonar
- Journalistisk erfaring.
- Samfunnsinteresse, gode allmennkunnskapar og oversikt over nyheitsbiletet.
- Evne til å jobbe i eit hektisk miljø med korte tidsfristar.
- Språkleg styrke, og evne til å bruka ord og formuleringar som folk forstår.
- Det er ein stor fordel om du kjenner til våre datasystem Digas og ENPS, og har erfaring frå direktesendingar.
- Folk med fleirkulturell kompetanse og nynorskbrukarar blir oppmoda om å søke.
Personlege eigenskapar
- Likar å jobbe tett med andre, men er også i stand til å ta avgjerder på eiga hand.
- Idérik og nysgjerrig
- Løysningsorientert
- Fleksibel
- Nøyaktig
- Kan arbeida konsentrert og nøyaktig, sjølv når det er svært hektisk.
Vi tilbyr
Vikariat til 31. mai 2023, med oppstart etter avtale.
Som produsent i Nyheitsmorgon får du være med på å setja dagsorden for NRK Nyheiter. Vi har store ambisjonar for innhaldet vi lagar til publikum.
Hos oss lærer du noko nytt kvar dag. Vi har eit svært godt miljø i redaksjonen der vi tek vare på kvarandre og utviklar oss saman.
Kontaktinformasjon:
- Silje Sande, fung. redaksjonssjef, Nyheitsmorgon og Dagsnytt, tlf: 901 96 203