Logg inn

STILLING LEDIG:

Synste Møre søkjer redaktør

Redaktøren vil få det redaksjonelle hovudansvaret for innhald og utforming av avisa Synste Møre, både på nett og papir.

Publisert Sist oppdatert

Denne artikkelen er over to år gammel.

Informasjon om stillingen:

Stillingstype: Fast

Arbeidssted: Fiskå

Søknadsfrist: 31. desember

Om arbeidsgiver

Synste Møre er inne i sin 51. årgang som lokalavis for Vanylven kommune. Vi har 3-4 årsverk og har kontor på Fiskå. Avisa kjem ut ein gong i veka på papir, kvar dag på nett. Opplaget er 2003. Avisa er politisk ubunden, vert redigert på nynorsk og er medlem i Landslaget for lokalaviser. Avisa er eigd av 10 privatpersonar med tilknytning til Vanylven.

Vår noverande redaktør/dagleg leiar sluttar i jobben 1. april 2022. Vi søkjer derfor etter hans etterfølgjar.

Redaktøren vil få det redaksjonelle hovudansvaret for innhald og utforming av avisa Synste Møre, både på nett og papir. Målsettinga er å vidareutvikle Synste Møre på ein god måte for lesarane i dekningsområdet. Det er utarbeidt eigen stillingsinstruks. Vi viser elles til redaktørplakaten når det gjeld andre rettar og plikter for redaktøren.

Det er ønskjeleg at den som vert tilsett også får rolla som dagleg leiar, og dermed det økonomiske og administrative ansvaret i verksemda.

Vi ønskjer at den som vert tilsett har:

  • Journalistisk erfaring, gjerne frå arbeid i lokalavis
  • Ein stødig og god nynorsk penn
  • God kunnskap og erfaring med IT, herunder nettpublisering og Adobe-pakken
  • Evne til å ta gode val og er trygg på presseetikk
  • Teft for nyheiter og dei gode lokale sakene
  • Samfunnsengasjement og interesse for lokalsamfunnet
  • Leiarerfaring
  • Administrativ erfaring og evne til god økonomistyring
  • Lokalkunnskap, og bør bu, eller busette seg i, Vanylven
  • Stor arbeidskapasitet og evne til samarbeid
  • Eigen bil

Vi kan tilby eit godt arbeidsmiljø i ein liten, men kompetent og erfaren redaksjon. Løn og andre vilkår etter avtale.

Kontaktinformasjon

Nærare opplysningar kan du få hos

  • Fredrik Bakke, noverande redaktør, tlf: 472 43 484
  • Bjørnar Osnes, styreleiar, tlf. 913 69 330

Vi vil gjerne ha ein skriftleg søknad innan 31.12.2021 til:

- Synste Møre, Boks 53, 6139 Fiskå

- Eller på e-post til fredrik@synste.no

synste møre journalistikk stilling redaktør ledig stilling

Ledige stillinger:

Se alle ledige stillinger her

Powered by Labrador CMS