STILLING LEDIG:

Barne- og familiedepartementet (BFD) søker kommunikasjonsrådgivar

Synast du det høyrest spennande ut å jobbe med kommunikasjon i feltet mellom politikk og fag? Barne – og familiedepartementet søkjer etter ein ny kommunikasjonsrådgivar.

Publisert 14.03.2022 - 00:00 Sist oppdatert 14.03.2022 - 16:14

Denne artikkelen er over to år gammel.

Informasjon om stillinga:

Stillingstype: Fast

Arbeidssted: Oslo

Søknadsfrist: 28. mars

Om arbeidsgivar

Barne- og familiedepartementet (BFD) har ansvar for barnevern, den generelle barne- og ungdomspolitikken, familie og samliv, tru og livssyn og forbrukarpolitikk. Departementet har etatsstyringsansvar for seks underliggjande verksemder. BFD har omkring 150 tilsette fordelte på fire avdelingar og ei kommunikasjonseining. For meir informasjon, sjå www.regjeringen.no

Kommunikasjonseininga har eit overordna ansvar for kommunikasjonsarbeid i departementet. Dette omfattar all ekstern og intern informasjonsverksemd, strategisk planlegging, medierådgjeving og -handtering for departement og politisk leiing, samt utvikling og drift av ulike kommunikasjonskanalar.

I kommunikasjonseininga søkjer vi etter ein ny kollega. Vi er fem medarbeidarar og vil tilsetje ein kommunikasjonsrådgivar i fast stilling.

Kommunikasjonseininga er prega av høgt tempo og varierte oppgåver. Du vil handtere medieførespurnadar, tilretteleggje for intervju med politisk leiing, samarbeide med avdelingane i departementet, utarbeide kommunikasjonsplanar for aktiv kommunikasjon, og publisere på regjeringa.no og i sosiale media. Stillinga inngår i pressevaktordning, som gjer at eininga kan løyse arbeidsoppgåver også utanfor ordinær arbeidstid. Du må rekne med noko reising i jobben.

Vi ser etter kandidatar med erfaring innan kommunikasjonsfaget, og gjerne med arbeidserfaring frå journalistikken og/eller med mediehandtering.

Krav for stillinga:

Minimum fire års arbeidserfaring, gjerne frå journalistikk
Utdanning innan journalistikk , samfunnsfag eller media. Relevant arbeidserfaring kan vege opp for manglande utdanning
Skriv godt og kunne setje deg inn i komplekse problemstillingar og formidle dei godt
God munnleg og skriftleg framstillingsevne
Brei forståing av samspelet mellom politikk, forvalting og media
God rolleforståing

Trygg i bruk av digitale verktøy og interesse for kommunikasjon på digitale flater

Vi ønskjer ein medarbeidar som er sjølvstendig og har evne til å drive arbeidsprosessar framover. Du må evne å tenkje strategisk, rettleie og bidra til fagleg utvikling hos kollegaer og koordinere større arbeid.

Personlege eigenskapar

Vi vil ha ein medarbeidar som har gode analytiske evner og god samfunnsforståing
Du har evne til å byggje relasjonar og tillit i organisasjonen, er nytenkande og bidreg til utviklinga av kommunikasjonsarbeidet i departementet
Du må like å arbeide sjølvstendig og ta ansvar for eigne oppgåver
Vi ønskjer også ein god lagspelar, som tek initiativ og ansvar, og som løftar dei rundt deg. Du må vere fleksibel og serviceinnstilt

Vi legg stor vekt på personlege eigenskapar og kor skikka du er for stillinga.

Vi tilbyr

Interessante rådgivings- og arbeidsoppgåver i skjeringsfeltet mellom fag og politikk
Eit godt arbeidsmiljø med engasjerte og dyktige kollegaer
Opplæring med bruk av introduksjonskurs og fadder
Gode moglegheiter for eigenutvikling og fagleg oppdatering
Fleksibel arbeidstidsordning
God pensjons- og forsikringsordning gjennom Statens pensjonskasse
Trening i arbeidstida

Stillinga vert lønna som seniorrådgivar i lønnsspenn ltr 60 -77 eller kr 543 500 til 752 800. For spesielt godt kvalifiserte kan vi vurdere høgare lønn.

Andre opplysningar

Vi ber om at attestar og vitnemål ligg ved søknaden
Vi gjer merksam på at søkjarar kan bli oppførte på offentleg søkjarliste sjølv om dei har bede om å bli handsama konfidensielt . Søkjarar vil i so fall bli varsla før offentleggjering