Statsministerens kontor er felleskontor for regjeringa, og har arbeidsgivarfunksjon for alle politikarane i departementa. Statsministerens kontor hjelper statsministeren med å leie og samordne arbeidet i regjeringa, blant anna ved å førebu, gjennomføre og følge opp regjeringskonferansane og Statsrådet sine møter hos Kongen.
Kontoret samordnar kontakten mellom regjeringa og Stortinget, inkludert regjeringsmedlemmenes deltaking i Stortingets spørjetimar og i enkelte debattar. I tillegg hjelper kontoret statsministeren i det internasjonale arbeidet. Kontoret har i dag ein politisk stab på ni personar og ein fast stab på om lag 60 personar. Den faste staben er fordelt på Administrativ og konstitusjonell avdeling, Innanriksavdelinga, Internasjonal avdeling og Kommunikasjonsseksjonen.
Om stillinga
Det er ledig ei fast stilling som kommunikasjonsrådgivar og taleskrivar i Kommunikasjonsseksjonen ved Statsministerens kontor. Me søkjer deg som er samfunnsinteressert, som skriv drivande godt og som kan gje solid kommunikasjonsfagleg støtte. Du trivst på reisefot og med høgt tempo.
Som medarbeidar i Kommunikasjonsseksjonen ved Statsministerens kontor blir du del av eit lag med sju erfarne kollegaer som blir leia av kommunikasjonssjefen.
Arbeidsoppgåvene i seksjonen er mellom anna å gje råd og leggje til rette for statsministerens og kontorets mediekontakt, skrive talar og planleggje reiser og ulike aktivitetar. Me jobbar for å nå ut til publikum med relevant og viktig informasjon via regjeringa.no og sosiale medium. Me samarbeider tett med politikarane, departementa og andre aktørar i kommunikasjonsarbeidet.
Kvalifikasjonar og personlege eigenskapar
Kvalifikasjonar: Du må
ha relevant høgare utdanning, med fullført grad på bachelorgradnivå. Relevant erfaring kan i visse høve kompensere for kravet til utdanning.
ha interesse og god forståing for politikk og samfunnsliv
ha erfaring frå relevant kommunikasjonsarbeid, taleskriving eller journalistisk arbeid
kunne formidle ein bodskap både via tradisjonelle og nye kommunikasjonsplattformer
kunne formulere deg godt, både munnleg og skriftleg, på bokmål, nynorsk og engelsk i ulike sjangrar
ha god kunnskap om offentleg sektor
Personlege eigenskapar: Me søkjer ein person som er imøtekomande, løysingsorientert og som samarbeider godt. Du er pedagogisk, lærevillig og god til å tilpasse deg. Stillinga krev at du har god rolleforståing, analytiske evner, god vurderingsevne og forstår politiske prosessar. Du tar initiativ, jobbar sjølvstendig og er strukturert. Du har stor arbeidskapasitet, set deg raskt inn i ulike saker og trivst med eit høgt arbeidstempo. Du er fleksibel, og ikkje redd for å ta på deg nye oppgåver.
Informasjon
Stillinga har stillingskode 1436 rådgivar eller 1364 seniorrådgivar, avhengig av utdanning og erfaring. Lønn blir fastsett individuelt og vil liggje i spennet frå 650 000 til 900 000 kroner. Frå løna blir det trekt 2 % innskot til Statens pensjonskasse. For særleg kvalifiserte kandidatar kan høgare lønn vere aktuelt. Stillinga er del av ei vaktordning med eit vakttillegg. Du må rekne med reiseverksemd, og morgon-, kvelds- og helgearbeid.
Den som blir tilsett må kunne sikkerheitsklarerast for STRENGT HEMMELEG.
Generell informasjon
Statlege arbeidsplassar skal spegle mangfaldet i samfunnet og gjere nytte av kompetansen til den enkelte. Me oppfordrar difor kvalifiserte kandidatar til å søkje, uavhengig av til dømes alder, kjønn, nasjonal eller etnisk bakgrunn. Me vil gjerne ha søknad frå deg som har stått utanfor arbeid eller utdanning i ein periode og som fyller kvalifikasjonskrava til stillinga.
Me oppfordrar alle som søkjer til å laste opp vitnemål frå Vitnemålsportalen og leggje ved søknaden, saman med kopi av relevante attestar.
Kontaktinformasjon
Nærare opplysningar om stillinga kan du få ved å kontakte:
Anne Kristin Hjukse, kommunikasjonssjef, tlf. 992 14 610
