STILLING LEDIG:

Hallingdølen søker journalist i fast stilling

Har du lyst til å vera med på laget i Europas beste lokalavis? Då kan du vere rette person for oss! Me har ei stilling ledig, og søker ny journalist med oppstart så raskt som mogleg.

Publisert 12.10.2022 - 00:00 Sist oppdatert 12.10.2022 - 14:53

Denne artikkelen er over to år gammel.

Informasjon om stillinga:

Stillingstype: Fast

Arbeidssted: Ål, Hallingdal

Søknadsfrist: 31. oktober

Om arbeidsgivar

Hallingdølen er ei lokalavis for Hallingdal og Nore Uvdal, med eit opplag på over 10.000. Papiravisa kjem ut tre gonger i veka. Me har eit høgt digitalt fokus, som gjer oss til ei sterk 24/7-avis. Hallingdølen er ei ambisiøs avis som har markert seg sterkt i bransjen og blitt kåra til Årets lokalavis fleire år. Hovudkontoret ligg i Ål. Det er 34 tilsette i heile mediebedrifta, av desse er 14 i redaksjonen.

Hallingdølen er ei lokalavis for Hallingdal og Nore Uvdal, med eit opplag på 10.736. Papiravisa kjem ut tre gonger i veka. Me har eit høgt digitalt fokus, som gjer oss til ei sterk 24/7-avis. Me har over 12.000 unike brukarar som besøker oss dagleg.

Hallingdølen er ei ambisiøs avis som har markert seg sterkt i bransjen og blitt kåra til Årets lokalavis fleire år. I 2021 vart me kåra til Årets lokalavis i Europa! Her får du høve til å prøve deg på alle sider av journalistikken; nyheiter, sport, kultur og reportasjar. Me har stort fokus på foto, og har ein eigen fotosjef. I tillegg har me starta arbeidet med podcast.

Hovudkontoret ligg i Ål. Det er 34 tilsette i heile mediebedrifta, av desse er 14 i redaksjonen.

Me søker deg som har:

Nyheitsteft og engasjement
Stor arbeidskapasitet
Kan jobbe raskt og sjølvstendig
Er framoverlent og har eit ønske om å utvikle deg
Har godt humør og entusiasme

Erfaring frå mediebransjen er ikkje eit krav, men vil vere eit veldig stort pluss. Stillinga går inn i vaktturnus, med kvelds- og helgevakter. Du må ha sertifikat.

Det me kan tilby deg er ein variert kvardag i eit levande lokalsamfunn, som har eit sterkt og godt forhold til avisa si. Eit godt og artig arbeidsmiljø saman med ein gjeng som lagar ei av landets aller beste lokalaviser!