Framtida.no søkjer journalist i fast stilling, vikariat og to sommarvikarar

Informasjon om stillingen:

Stillingstype: Fast, vikariat og sommervikariat

Arbeidssted: Oslo

Søknadsfrist: 22. januar

Om arbeidsgiver

Framtida.no er den einaste riksdekkande nynorske nettavisa i Noreg. Nyhende- og debattavisa for Framtida.no vart starta i 2010 og har i dag kring 70-140.000 brukarar i månaden. Framtida.no blir drive av Landssamanslutninga av nynorskkommunar i samarbeid med ABC Startsiden og har kontor sentralt i Oslo.

Framtida Junior kjem ut som papiravis kvar månad og kjem også i ei nettutgåve med kring 15.000 brukarar i månaden. Framtida Junior har i dag hovudkontor på Stord i Sunnhordland, og samarbeidar tett med Framtida.no.

Framtida.no er på jakt etter ein ny journalist i full stilling frå 1. april 2023. Denne stillinga er fast.

I tillegg treng me ein journalist i vikariat frå 1. mai og ut 2023, med moglegheit for forlenging.

Sommaren 2023 treng me to journalistar i ein månad.

Kvalifikasjonar:

• Iderik
• Sjølvgåande
• Engasjert
• Språksterk
• Nyfiken
• Effektiv
• Erfaring med publisering på nett er ein fordel
• Erfaring med film, foto, redigering i Photoshop eller anna grafisk framstilling er ein fordel

Journalistisk utdanning og erfaring er ein fordel, men er du skrivekyndig med teft for gode saker som kan engasjera unge lesarar og skapa debatt, er du riktig person.

Framtida.no kan tilby eit positivt og lærerikt journalistisk miljø, der du får ansvar og høve til å forma eigne saker og arbeidskvardag. Me gjev grundig opplæring og rom til å forma eigen arbeidskvardag utifrå evner og interesser.

Arbeidsoppgåvene består i å finna og produsera eigne saker, lesa korrektur på eksternt eller internt produsert materiell, sosiale medium og deskarbeid.

Framtida.no har kontor i Glasmagasinet sentralt i Oslo. Redaksjonen tel i dag fire fast tilsette og éi prosjektstilling.

I tillegg samarbeider Framtida med Framtida Junior, som har delt kontorplass mellom Stord og Oslo. Om du brenner for god formidling for barn i alderen 7-13 år har Framtida Junior ei ledig vikarstilling fram til september 2023.

Framtida.no er eigd av Landssamanslutninga av nynorskkommunar (LNK).

Framtida.no er opptekne av representasjon og oppmodar alle kjønn og personar med minoritetserfaring til å søkja stillingane.

Kontaktinformasjon

Spørsmål om stillingane kan rettast til:

• Andrea Rygg Nøttveit, redaktør, tlf.: 481 40 342

Søknadsfrist: 22. januar 2023

Søknad med cv og arbeidsprøvar sendast til e-post andrea@framtida.no.

Presiser om du søkjer fast stilling, vikariat eller sommarvikariat.