Sogn Avis søker ansvarleg redaktør og dagleg leiar
PublisertSist oppdatert
Informasjon om stillinga:
Stillingstype: Fast
Arbeidsstad: Sogndal
Søknadsfrist: 11. januar
Om arbeidsgiver:
Sogn Avis dekkjer kommunane Sogndal, Vik, Luster, Årdal, Lærdal og Aurland. Avisa har hovudredaksjon i Sogndal og avdelingskontor i Årdal. Sogn Avis er eigd av Amedia, som er landets største utgivar av redaktørstyrte medier og leiande på lokal avisutvikling. Dagleg når konsernet over to millionar lesarar gjennom sine 107 medier. Konsernet har 2.100 tilsette og omsette i 2023 for 4,1 milliardar kroner.
Om rekrutteringsbyrået:
FRAM er spesialister på rekruttering av ledere og fagspesialister innen media, kommunikasjon, samfunnsliv. FRAM ble etablert i 2023 av Bård Idås og Ann Mari Nygjerde. Begge er erfarne rekrutteringsrådgivere med bakgrunn fra ledelse og journalistikk. I tillegg til komplette rekrutteringsprosesser, leverer FRAM rådgivningstjenester. Vi hjelper folk og organisasjoner som ønsker positiv endring FRAM.
Sogn Avis står sterkt i Indre Sogn, med solide digitale lesartal og ei av dei mest prisvinnande lokalavisene dei siste åra. No ønskjer vi å løfte mediehuset vidare. Vi treng ein ansvarleg redaktør og dagleg leiar som vil setja retning, skapa energi i redaksjonen og utvikla journalistikken vidare. Er det deg?
Dette er ei leiarstilling for deg som trivst med ansvar, er trygg i presseetiske vurderingar og blir motivert av å setja dagsorden gjennom kritisk og relevant journalistikk. Du får moglegheita til å påverka lokalsamfunnet, styrka demokratiet og skapa journalistikk som betyr noko.
Du kjem inn i eit kompetent og dedikert miljø med 14 tilsette, og får støtte frå Amedia sitt sterke fagnettverk. Her vil du oppleva eit arbeidsmiljø der samarbeid, utvikling og gjensidig støtte står høgt.
Som ansvarleg redaktør og dagleg leiar vil du:
leia og samla redaksjonen med tydeleg, varm og handlekraftig leiarskap
utvikla journalistikken og bidra til digital vekst og sterke redaksjonelle produkt
løfta avisa sin posisjon i regionen gjennom relevant, kritisk og innsiktsbasert journalistikk
vera tett på menneska i redaksjonen og på innhaldet som blir publisert
Kven passar rolla for?
Du trivst med endring og ser det som ein naturleg del av å leie eit moderne mediehus. Du har leiarerfaring og trivst med å vera den som både set retning og byggjer kultur. Du har svært god presseetisk dømmekraft og ønskjer å vidareutvikla journalistikken med utgangspunkt i innsikt og analyse. Du er ein lagbyggjar som bryr deg om folk og som likar å skapa utvikling saman med andre.
Kva kan vi tilby?
Gjennom samfunnsoppdraget får du medverke til journalistikk som gjer ein reell skilnad lokalt. Du får ei sentral rolle i eit sterkt redaksjonelt miljø. Her er det høg faglegheit, tett samarbeid og ein kultur der vi spelar kvarandre gode. Amedia er kåra til ein av landets mest attraktive arbeidsgivarar og er sertifisert som Great Place To Work.
Kontaktinformasjon:
Er du klar for utfordringa?
For spørsmål om stillinga, ta kontakt med ein av rådgjevarane i FRAM:
