Grenda har sju inspirerte medarbeidarar som ynskjer å laga den beste og viktigaste lokal-avisa i Kvinnherad. Kontoret vårt ligg i Rosendal, men arbeidsplassen er heile den vidstrekte kommunen vår. Grenda kjem ut dagleg på grenda.no og i papirform tysdag og torsdag.
Grenda har sju inspirerte medarbeidarar som ynskjer å laga den beste og viktigaste lokal-avisa i Kvinnherad. Kontoret vårt ligg i Rosendal, men arbeidsplassen er heile den vidstrekte kommunen vår. Grenda kjem ut dagleg på grenda.no og i papirform tysdag og torsdag.
Vil du bli vår neste redaktør?
Vår noverande redaktør går over i ny stilling i Kvinnherad kommune, og av den grunn søkjer Grenda hans erstattar. Grenda er i vekst, og vår nye redaktør vert ei viktig brikke for å utvikla avisa vidare.
Hos oss må dei fleste gjera det meste, og vi er på jakt etter ein skrivande redaktør med nyhendeteft, pågangsmot og evne til å jobba raskt og sjølvstendig.
Du skal leia eit lite, men fagleg svært dyktig redaksjonelt team. Hos oss er det kort veg frå idé til gjennomføring. Du har stor moglegheit til å påverka din eigen kvardag og forma din eigen jobb.
Vi ønskjer søkjarar med relevant utdanning og/eller praksis, men det er ikkje noko krav. Det du må ha er høg motivasjon, god formuleringsevne og evne til å inspirera andre. I tillegg må du vera samfunnsengasjert.
Kjennskap til dekningsområdet vårt er sjølvsagt ein stor fordel. Det er vaktturnus i helgar, og du må pårekna noko kveldsarbeid.
Kanskje du har nokre av desse eigenskapane?
Er sjølvstendig, initiativrik og trivst med høgt tempo
Nysgjerrig og likar å snakka med folk
Teft for kva som kan bli ein snakkis og ei god sak
Er språksikker i nynorsk, og kan formidla kompliserte ting på ein enkel måte
Erfaring innan journalistikk
Tenkjer du at dette høyrest spanande ut, men at du ikkje kan kryssa av for alle punkta ovanfor? Søk likevel!
Vi tilbyr:
Ein svært interessant og meiningsfull jobb
Varierte oppgåver i eit inspirerande miljø med mykje kunnskap og stort engasjement
Hyggjelege kollegaer og eit godt arbeidsmiljø
Konkurransedyktige lønnsvilkår, inkludert pensjons- og forsikringsordningar
Kontor i Rosendal, ei av dei vakraste bygdene i Norge
