STILLING LEDIG:
NRK Vestland søker nyheitsjournalist
Vi søker ein uredd journalist som brenn for å fortelja historier som vert lagt merke til hjå eit breitt publikum, og som kan jobba med innhald til sendingane våre.
Denne artikkelen er over to år gammel.
Vi ønsker særleg å verta flinkare til å nå ut til unge og fleirkulturelle. Målet er å laga viktige og nære saker som set dagsorden regionalt og nasjonalt.
Vi i NRK Vestland ønsker å komma tett på folk der dei bur, og gje publikum reportasjane og nyheitene som engasjerer i kvardagen. Redaksjonen vil skapa journalistikk som bidreg til endring og løfter fram løysingar i samfunnet.
Arbeidsoppgåver
- Kunna løfta saker frå Vestlandet til eit nasjonalt publikum.
- Jobba sjølvstendig og driva fram saker frå idé til ferdig sak.
- Laga journalistikk til dei ulike plattformene til NRK; radio, TV, nett og sosiale medium.
- Du må rekna med turnusarbeid med kvelds-, morgon- og helgevakter. Reising og overtid kan verta aktuelt.
- Å vera førebudd på å rykka raskt og å rapportere direkte frå felt er ein del av jobben.
Kvalifikasjonar
- God journalistisk teft og evne til å jobba fram viktige eigensaker.
- Erfaring frå journalistisk arbeid i ein nyheitsredaksjon.
- Godt og trygt språk både munnleg og skriftleg.
- Har god teknisk og digital forståing.
- Det er ein fordel med høgare utdanning.
Personlege eigenskapar
- Nysgjerrig, ambisiøs og idérik.
- Hardtarbeidande og trivst med høgt tempo.
- Brenn for å fortelja viktige historier.
- Ha vilje til å dela kunnskap med kollegaer.
- Våga å fortelja historier på nye måtar og vera med på å utvikla ein teste- og lærekultur i redaksjonen.
Vi tilbyr
- Fast jobb i moderne og trivelege lokale i mediebyen i Bergen
- Ein arbeidskvardag med ambisiøse, dedikerte og hyggelege kollegaer
- I NRK Vestland vil det vera gode vilkår for utvikling og kompetanseheving.
- Privat AFP-ordning. Konkurransedyktige pensjons- og forsikringsordningar.
Kontaktinformasjon:
- Dyveke Maiken Buanes, distriktsredaktør, tlf: 971 44 624
- Sindre Helgheim, nyhetssjef, tlf: 416 29 904
- Bergit Sønstebø Svendseid, redaksjonssjef, tlf: 481 15 103