STILLING LEDIG:

journalist som intervjuer en mann ved en brygge

Avisa Nordhordland søkjer journalist til seks månaders vikariat

Periode: 1. juni - 1.desember

Publisert 20.12.2024 - 00:00 Sist oppdatert 20.12.2024 - 14:39

Informasjon om stillinga:

Stillingstype: Vikariat

Arbeidssted: Knarvik

Søknadsfrist: 17. februar

Om arbeidsgivar:

Avisa Nordhordland er ei nynorskavis som vart etablert i 1974. Avisa har fem faste tilsette, to frilansarar og jobbar også tett saman med Amedia sine to lokale medierådgivarar. Redaksjonen og medierådgivarane held til i nye og trivelege lokale sentralt plassert i Knarvik senter. Vårt primære dekningsområde er kommunane Alver, Austrheim, Fedje, Masfjorden, Modalen og Gulen. Nettavisa nordhordland.no blir oppdatert kontinuerleg, medan papiravisa kjem ut onsdag og laurdag. Avisa Nordhordland er ein del av Amedia-konsernet.

Me er på jakt etter deg som alltid er på utkikk etter dei gode nyheitssakene, er flink til å komma tett på folk og ønskjer å fortelja historiene på ein levande og engasjerande måte.

Du må ha interesse for den digitale journalistikken og har lyst til å verta ein del av den dyktige, unge og ambisiøse redaksjonen vår.

I tillegg til å vera skrivande journalist, vil du òg kunna komma til å jobba med video, foto og direkteoppdateringar.

Me reknar ikkje med at du kan alt frå første dag, men du må vera motivert for å læra deg nye verktøy og arbeidsoppgåver.

Me ser etter deg som:

Er motivert for å utvikla deg som journalist
Har ein del journalistisk erfaring
Er engasjert, likar å ta ansvar, arbeida sjølvstendig og er kreativ
Meistrar nynorsk
Vert motivert av at dine saker vert lesne, men óg heiar fram andre for å nå felles mål
Er glad i eit godt fellesskap med gode kollegaer, og bidreg til eit godt arbeidsmiljø
Har førarkort på bil, likar å vere på farten, og trivst i møte med folk

Har du lyst på jobben, men kan ikkje haka av på alle kriteria? Søk likevel – du kjem langt med rett haldning, vilje og talent.

Me tilbyr:

100% midlertidig stilling, i fast turnus
Ein spennande jobb i ein region der det skjer mykje og tempoet er høgt
Ei viktig rolle i ei lokalavis som har ambisjonar og skal bety noko for folk
God journalistisk erfaring og hjelp til å utvikla av kompetansen din
Utvikling og oppdatert kompetanse gjennom Amedia, det leiande lokalaviskonsernet i landet.
Eit triveleg og uformelt arbeidsmiljø med kollegaer som samarbeider tett
Det er ein fordel om du har lokalkunnskap, og kjenner Nordhordland som region.