Grannar treng ny medarbeidar i redaksjonen og søkjer etter journalist
PublisertSist oppdatert
Denne artikkelen er over to år gammel.
Informasjon om stillingen:
Stillingstype: Fast
Arbeidssted: Etne
Søknadsfrist: 21. oktober
Om arbeidsgiver
Grannar er lokalvisa for Vindafjord kommune i Rogaland og Etne kommune i Vestland, i eit område med ca. 13.000 innbyggjarar Avisa har kontinuerlege oppdateringar på grannar.no og papirutgåver måndag og torsdag i eit opplag på 3.520. Grannar blir redigert på nynorsk, er konsernuavhengig og har lokale eigarar. Grannar har 9 tilsette, og held til i Etne sentrum, midt mellom Stavanger og Bergen, og éin times køyring aust for Haugesund.
Stillinga er 100 % fast og inngår i turnus med arbeidstid kvar fjerde helg.
To kommunar, to fylkeskommunar, eit rikt næringsliv med ei rekkje milliardkonsern, aktivt landbruk, allsidig idrettsmiljø med fleire nasjonale profilar, breitt organisasjons- og kulturliv, og unike natur og fjellområde med bl.a. nasjonalpark og lakseelver - ventar den som jobbar i redaksjonen.
Søkjarar må ha genuin interesse for nyhendejournalistikk, vera idérik og ha evne til å jobba raskt og sjølvstendig både for nett- og papiravis.
Me vil legga vekt på erfaring frå journalistikk eller annan relevant utdanning, og god samfunnsinnsikt, men er også opne for andre søkjarar.
Sikker språkføring på nynorsk er viktig. Søkjarar må ha førarkort og disponera bil.
Me lover eit godt og triveleg arbeidsmiljø og spennande oppgåver.
